Yaponiyada yaşayan əcnəbilərin sayı 3,4 milyonu keçərək indiyədək ən yüksək səviyyəyə çatıb.
“Sherg.az” xəbər verir ki, Hökumətə bağlı İmmiqrasiya Xidmətləri Agentliyinin (Nyûkan) verdiyi açıqlamada, 2023-cü ilin sonuna qədər Yaponiyada təxminən 3 milyon 410 min 992 əcnəbinin yaşadığı bildirilib.
2022-ci ilə nisbətən isə10,9 faiz artan bu rəqəmin indiyə qədər ən yüksək həddə çatdığı qeyd edilib.
Ən çox oturma icazəsi olan əcnəbilər arasında 821 min Çinli, 565 min nəfərlə Vyetnamlılar və 410 min nəfərlə Cənubi Koreyalılar qeydə alınıb.
Ötən il əcnəbi təcrübə keçənlərin sayı 24,5 faiz artaraq təqribən 405 minə, xüsusi ixtisaslı işçilərin sayı isə 59,2 faiz artaraq təxminən 208 minə çatıb.
Agentlik, Covid-19 sərhəd nəzarəti tədbirlərinin yumşaldılmasından sonra xaricilərin Yaponiyaya getdikcə daha çox gəlməyə başladığına diqqət çəkib.
