Miqrasiya məsələləri üzrə 3 milyondan çox prosesin olmasına və Donald Trampın qanunsuz miqrasiyaya qarşı mübarizə aparmaqla bağlı vədlərinə baxmayaraq, ABŞ-nin Ədliyyə Nazirliyi Miqrasiya məsələləri ilə bağlı bir neçə hakimi tutduğu vəzifədən azad edib.
Trend xəbər verir ki, bu barədə xarici KİV-lər öz mənbələrinə istinadən məlumat yayıb.
Məlumata əsasən, Tramp Ağ Evə gələndən bəri miqrantların işləri üzrə məhkəmələrin 20-dən çox əməkdaşı, o cümlədən Miqrasiyaya nəzarət üzrə icra xidmətindən azı 9 vəzifəli şəxsi işdən kənarlaşdırılıb.
Miqrasiya məsələləri üzrə hakimlərin işdən qovulması son üç ildə ABŞ-də miqrant işlərinin baxılmasında rekord gecikmələrin olması fonunda baş verib.
