İngiltərə Müdafiə Nazirliyi Ukraynanın “Örümcək Toru Əməliyyatı” çərçivəsində Moskvanın strateji bombardman təyyarələrini məhv etməsindən sonra Kiyevə insansız hava vasitələrinin (PUA) tədarükünü on dəfə artıraraq illik hədəfi 100 minə çatdırdığını elan etdi.
Sherg.az xəbər verir ki, nazirliyin açıqlamasında bu hədəfin yalnız PUA-lar üçün 350 milyon funt sterlinq (təxminən 473 milyon dollar) dəyərində investisiya demək olduğu bildirildi.
İngiltərə Müdafiə Naziri Con Hili bildirdi ki, NATO müttəfiqi Ukraynaya 2025-ci ildə ümumilikdə 4,5 milyard funt sterlinq (təxminən 6 milyard dollar) dəyərində yeni hərbi yardım paketi təqdim olunacaq və ilin əvvəlindən indiyədək 140 min topçu sursatı çatdırılıb.
Hili qeyd edib: “İngiltərə müdafiə şirkətləri Ukraynadakı döyüş meydanından hər gün dərs götürərək, mülki əhalini qorumaq və eyni zamanda milli təhlükəsizliyimizi gücləndirmək üçün inkişaf etmiş yeni insansız hava vasitələri hazırlayır.”
Ukrayna kəşfiyyat xidmətləri bildirdi ki, Rusiyanın hava bazalarına yük maşınları ilə göndərilən PUA-larla həyata keçirilən əməliyyat nəticəsində 1 iyun tarixində nüvə potensialına malik strateji bombardman təyyarələri də daxil olmaqla 41 təyyarə məhv edilmiş və təxminən 7 milyard dollar zərər dəymişdir.
