Türkiyənin əsas müxalifət təşkilatı olan Cümhuriyyət Xalq Partiyasının (CHP) sədri Özgür Özəl barədə cinayət işi açılıb.
Teleqraf “TRT Haber”ə istinadən xəbər verir ki, o, İstanbul prokuroru Akın Gürlek haqda söylədiyi fikirlərə görə ittiham olunur.
Məlumata görə, CHP lideri Qaziosmanpaşada təşkil edilən mitinqdə A.Gürlekə qarşı hədə-qorxu xarakterli fikirlər səsləndirib.
Prokurorluqdan bildirilib ki, Özgür Özəl “ədliyyə məmurunu vəzifəsini yerinə yetirməsinə mane olmaq üçün hədələmək” və “Dövlət məmurunu vəzifəsinə görə açıq-aşkar təhqir etmək” maddələri ilə təqsirləndirilir.
