Ukrayna Prezidenti Volodimir Zelenski Kreml rəhbəri Vladimir Putinin Kiyev tərəfindən Rusiya aerodromlarına edilən zərbələrə cavab veriləcəyi ilə bağlı hədələrinə sərt reaksiya verib.
APA xəbər verir ki, bu barədə "Unian " məlumat yayıb.
“Putin cəzasızlıq hissi ilə yaşayır və Rusiyanın bütün dəhşətli hücumlarından sonra belə, güya hansısa "cavab tədbirləri’ hazırlayır”, – Zelenski bildirib.
Onun sözlərinə görə, müxtəlif səviyyələrdə Rusiya ilə danışanlar çox olub, lakin bu danışıqlar nə etibarlı sülhə, nə də müharibənin dayandırılmasına gətirib çıxarıb.
Prezidentin fikrincə, məhz Moskva sülh axtarmalıdır və orada anlamalıdırlar ki, bu müharibənin böyük bədəli var.
Ukrayna lideri hesab edir ki, əgər dünya ictimaiyyəti Putinin təhdidlərinə zəif reaksiya verərsə, bu, onun hərəkətlərinə göz yumulması kimi qəbul olunacaq.
