Türkiyə Prezidenti Rəcəb Tayyib Ərdoğan, CHP-nin (Cümhuriyyət Xalq Partiyası) sədri Özgür Özelin ona ünvanladığı fikirlərə görə 500 min TL-lik mənəvi təzminat tələbi ilə məhkəməyə müraciət edib.
Sherg.az xəbər verir ki, Rəcəb Tayyib Ərdoğan, CHP sədri Özgür Özelin 5 iyul 2025-ci il tarixində Mərkəzi İcraiyyə Komitəsinin (MYK) iclasından sonra verdiyi mətbuat açıqlamasında işlətmiş olduğu ifadələrə görə Ankara Asliye Hüquq Məhkəməsində 500 min TL məbləğində mənəvi təzminat iddiası qaldırıb.
Bundan əlavə, Özgür Özel barəsində “Prezidentə təhqir” və “Türkiyə Cəza Qanununun 310/2-ci maddəsinə əsasən hədələmə” ittihamları ilə Ankara Cumhuriyyət Baş Prokurorluğuna cinayət şikayəti təqdim olunub.
