“Ukraynaya “Tomahawk” raketlərinin mümkün tədarükü hamı üçün pis nəticələrlə bitə bilər, ilk növbədə, ABŞ Prezidenti Donald Tramp üçün”.
Teleqraf xəbər verir ki, bunu Rusiya Təhlükəsizlik Şurasının sədr müavini Dmitri Medvedev bildirib.
Medvedev Trampın “əgər Rusiya Prezidenti Vladimir Putin Ukrayna münaqişəsini həll etməsə, bu, onun üçün pis sonla nəticələnəcək” təhdidini xatırladıb.
“Əgər “sülhpərvər biznes” ifadəsi “Tomahawk”lar haqqındadırsa, bu söz yanlışdır. Bu raketlərin tədarükü hamı üçün pis yekunla nəticələnə bilər, ilk növbədə, Tramp üçün”, - Rusiya rəsmisi vurğulayıb.
Donald Tramp bundan əvvəl söyləmişdi ki, əgər münaqişə həll olunmasa, ABŞ Ukraynaya “Tomahawk” raketləri verə bilər.
