Ermənistanın müdafiə naziri Suren Papikyan ABŞ səfiri Kristina Kuin ilə görüşüb.
APA-nın verdiyi xəbərə görə, görüş zamanı Ermənistan və ABŞ arasında müdafiə sahəsində əməkdaşlığın vəziyyəti və inkişaf perspektivləri, o cümlədən regional təhlükəsizlik məsələləri müzakirə edilib.
Ermənistan mətbuatının məlumatına görə, ABŞ tərəfi Ermənistanda aparılan müdafiə islahatlarına dəstəyi davam etdirməyə hazır olduğunu bildirib.
Papikyan və Kuin, həmçinin “Ermənistan hökuməti ilə ABŞ hökuməti arasında kütləvi qırğın silahlarının yayılmasına qarşı mübarizə sahəsində əməkdaşlıq haqqında” sazişin müddətinin uzadılmasına dair saziş imzalayıblar.
