Biləş Millətlər Təşkilatı (BMT) İran və İsrail arasında mümkün silahlı münaqişə fonunda İrandan qaçqın axınının baş verməsi ehtimalına qarşı qabaqlayıcı tədbirlər planı hazırlayır.
Teleqraf xəbər verir ki, bu barədə BMT-nin Qaçqınlar üzrə Ali Komissarı Filippo Qrandi Almaniyanın DPA agentliyinə müsahibəsində deyib.
“Hazırda biz böhran planları üzərində işləyirik",- o bildirib.
O əlavə edib ki, bu planlar hələ ictimaiyyətə açıqlanmayıb, çünki mövcud informasiya kifayət qədər deyil və hadisələrin necə inkişaf edəcəyi gözlənilir.
“Lakin istənilən halda, biz bu ssenariyə hazırlaşırıq",- o vurğulayıb.
Xatırladaq ki, İsrail Hərbi Hava Qüvvələri iyunun 13-də səhər saatlarından İranın hərbi-strateji nöqtələrinə və nüvə müəssisələrinə zərbələr endirməyə başlayıb. Hava əməliyyatları nəticəsində İran ordusunun ali rütbəli hərbçiləri həlak olub. İran isə iyunun 14-dən etibarən İsrailin bir sıra şəhərlərinə raket zərbələri endirir. Hər iki tərəfdən ölənlər və yaralananlar var.
