Çində koronavirusun "omikron" ştamının yeni alt növü müəyyən edilib.
"Report" xəbər verir ki, bu barədə "Bloomberg" məlumat yayıb.
Belə ki, son sutka ərzində COVID-19-a 13 min yeni yoluxma halı qeydə alınıb ki, onların arasında “omikron" ştamının yeni alt növü də var.
Məlumata görə, 13 min yoluxmadan 12 mini asemptomatik olub.
Yeni alt növ BA.1.1 "omikron" ştamının qoludur, həmçinin, əvvəllər müəyyən edilmiş digər koronavirus variantlarına uyğun gəlmir.
Bundan əvvəl Şanxay, COVID-19 pandemiyasının başlanmasından indiyədək ən sərt məhdudiyyətlər tətbiq edib. Paytaxtın 25 milyon sakininin demək olar ki, hamısı hazırda karantindədir.
