Suriya prezidenti ölkənin yenidən qurulması üçün Pekindən maliyyə dəstəyi istəyəcək
Suriya prezidenti Bəşər Əsəd 20 ildən sonra Çindədir.
Sherg.az xarici KİV-lərə istinadən xəbər verir ki, Əsəd Çin Hava Yollarına məxsus təyyarə ilə Asiya Olimpiadasına ev sahibliyi edəcək Hanqcu şəhərinə gedib.
Suriya lideri 2004-cü ildən bəri Çinə ilk səfəri zamanı mərasimlə qarşılanıb.
Əsədin sabah Pekində Çin prezidenti Si Cinpinlə görüşəcəyi gözlənilir. Şənbə günü o, 10-dan çox liderlə birlikdə Hanqcuda Asiya Olimpiadasının açılışında iştirak edəcək.
Əsədi müşayiət edən nümayəndə heyətinin Çinin müxtəlif şəhərlərində bir sıra görüşlər keçirəcəyi bildirilir. Bəşər Əsəd 2004-cü ildə Çinə səfər edən ilk Suriya lideri olub.
Bildirilir ki, Əsəd təxminən 20 ildən sonra ikinci səfərində ölkənin yenidən qurulması üçün Pekindən maliyyə dəstəyi istəyəcək.
