BMT Təhlükəsizlik Şurasında islahat prosesi yubanarsa, onun effektivliyi azalmağa davam edəcək.
Bu barədə Nyu-Yorkda BMT Baş Assambleyasının 78-ci sessiyası çərçivəsində bir araya gələn “Dördlər” qrupunun (G4 qrupa Braziliya, Almaniya, Hindistan və Yaponiya daxildir) xarici işlər nazirlərinin birgə bəyanatında deyilir.
Bəyanatda, həmçinin qeyd olunur ki, beynəlxalq idarəetmə strukturlarının gələcəyi onların zamana adaptasiya olunmağından keçir və bununla da qarşıya qoyulmuş hədəflərə çatmaq asanlaşacaq.
G4 ölkələrinin nümayəndələri hesab edirlər ki, BMT Təhlükəsizlik Şurasının həm daimi, həm də qeyri-daimi üzvlərinin tərkibinin genişləndirilməsi qurumun effektivliyini artıracaq.
Mənbə: TASS
