ABŞ ərəb rəsmilərindən İsrailin münaqişəyə tezliklə son qoymaq istədiyini İrana çatdırmağı istəyib, Tehran isə ABŞ-ın öz ərazisindəki zərbələrinə cavab verməyə məcbur olduğunu bildirib.
Axar.az xəbər verir ki, bu barədə “Voll Strit Jurnal” rəsmilərə istinadla məlumat yayıb.
Məlumata görə, İsrail İranla münaqişəni tezliklə bitirməyə can atır və yaxın günlərdə hədəfə alınan İran obyektlərinə zərbələri tamamlayacağı gözlənilir:
“ABŞ bölgədəki ərəb rəsmilərinə bildirib ki, İsrail döyüşlərin tezliklə bitməsini istəyir və onlardan bu mesajı İrana çatdırmağı istəyib. İran cavab verib ki, o, hələ geri çəkilməyə hazır deyil, lakin Amerikanın İranın nüvə obyektlərinə hücumuna cavab vermək məcburiyyətindədir. İsrail ABŞ-ın zərbələrindən sonra İranın danışıqlar masasına oturacağına ümid edir. Bununla belə, İran İsrail hədəflərini vurmağa davam edərsə, Təl-Əviv İrana zərbələr endirməyə davam edəcək”.
