Türkiyənin əsas müxalifət təşkilatı olan Cümhuriyyət Xalq Partiyasının (CHP) sədri Özgür Özəlin deputat toxunulmazlığı ləğv edilə bilər.
Teleqraf xəbər verir ki, bununla bağlı Türkiyə Böyük Millət Məclisinə (TBMM) təqdimat daxil olub.
Manisadan deputat seçilmiş CHP sədri ilə yanaşı digər müxalifət partiyası - İYİ Partiyanın fraksiya rəhbəri və Balıkesir millət vəkili Turhan Çömezin, habelə CHP İstanbul millət vəkili Turan Taşkın Özerlə bağlı da müvafiq təqdimat verilib.
TBMM-nin komissiyası təqdimatı araşdıraraq, toxunulmazlığın ləğvini ümumi səsverməyə çıxaracaq.
