"NATO müttəfiqləri İranın nüvə silahı əldə etməsinə yol vermək niyyətində deyil".
Oxu.Az-ın TASS-a istinadən məlumatına görə, bunu NATO-nun baş katibi Mark Rütte bildirib.
"Müttəfiqlər çoxdan belə qənaətə gəliblər ki, İran nüvə silahı hazırlamamalıdır", - deyə Rütte Haaqada keçiriləcək NATO sammiti ərəfəsində təşkil olunan mətbuat konfransında bildirib.
Onun sözlərinə görə, İran dəfələrlə Nüvə Silahlarının Yayılmaması Müqaviləsi çərçivəsində üzərinə götürdüyü öhdəlikləri yerinə yetirməyə dəvət olunub.
