Vaşinqton ilk növbədə Sevastopolda mülki əhaliyə qəsdən raket hücumuna görə məsuliyyət daşıyır.
Axar.az xəbər verir ki, bu barədə Rusiya Müdafiə Nazirliyinin yaydığı bəyanatda qeyd olunub.
“ATACMS raketləri üçün uçuş missiyaları ABŞ-ın peyk kəşfiyyatına əsaslanan amerikalı mütəxəssislər tərəfindən təqdim olunur. Buna görə də Sevastopolda mülki əhaliyə qəsdən raket hücumuna görə məsuliyyət ilk növbədə bu silahları Ukraynaya çatdıran Vaşinqtonun, eləcə də bu hücumu ərazisindən həyata keçirilən Kiyev rejiminin üzərinə düşür. Bu cür hərəkətlər cavabsız qalmayacaq”, - məlumatda qeyd olunub.
Qeyd edək ki, bu gün Ukraynanın Sevastopolu raket atəşinə tutuması nəticəsində 3 nəfər ölüb, 124 nəfər isə yaralanıb.
