“İran heç bir ölkə ilə müqayisə oluna bilməz və onun cavabı qəti, qanuni və uyğun vaxtda olacaq”.
Teleqraf xəbər verir ki, bunu İran hökumətinin sözçüsü Fatimə Mohacerani deyib.
“İran heç vaxt müharibəyə təşəbbüs göstərməyib, amma təcavüz qarşısında da heç vaxt susmayıb və susmayacaq. Sionist rejimin (İsrail) İran torpağına qorxaqcasına hücumu səhv hesablamadır və böyük xalqımızdan qorxusunun əlamətidir. İranı heç bir ölkə ilə müqayisə etmək olmaz və onun cavabı qəti, qanuni və vaxtında olacaq. Bu hekayənin sonunu İran yazacaq”, - ölkə rəsmisi bildirib.
Xatırladaq ki, İsrail Hərbi Hava Qüvvələri iyunun 13-də səhər saatlarında İrana zərbələr endirib. Hücum zamanı ölkənin Fordo və Natantz nüvə obyektləri, eləcə də hərbi bazaları hədəfə alınıb. İranın Atom Enerjisi Təşkilatı Natanz nüvə obyektinin məhv edildiyini təsdiqləyib.
Hava əməliyyatları nəticəsində İran İslam İnqilabı Keşikçiləri Korpusunun baş komandanı general-mayor Hüseyn Salami, Silahlı Qüvvələrin Baş Qərargah rəisi general-leytenant Məhəmməd Hüseyn Baqiri, ali dini rəhbərin müşaviri Əli Şamxani, “Hatəm-əl-Ənbiya” Qərargahının rəisi Qulam Əli Rəşid və digər yüksək rütbəli şəxslər, o cümlədən üç nüvə alimi həlak olub.
İran isə bir neçə saat sonra cavab zərbələrinə başlayıb. Tehran İsrail istiqamətində 100-dən çox pilotsuz təyyarə göndərib.
