ABŞ Prezidenti Donald Tramp qış vaxtına keçid üçün saatların geri çəkilməsi praktikasının ləğv edilməsini təklif edib.
Sherg.az-ın məlumatına görə, Tramp bildirib ki, saatların dəyişdirilməsi insanlarda tarazlığı pozur və “hamını çaşqın vəziyyətə salır”. Onun sözlərinə görə, bu praktika həm baha başa gəlir, həm də gün işığının azalması səbəbindən cinayətlərin artması kimi problemlər yaradır.
ABŞ lideri qeyd edib ki, Nümayəndələr Palatası yalnız yay vaxtının saxlanılması ideyasını dəstəkləyib. Lakin qanun layihəsinin Senatda irəliləməsi dayanıb. Tramp bunun məsuliyyətini respublikaçı senator Tom Kottonun üzərinə qoyub.
