Türkiyə təhlükəsizlik qüvvələri bu ilin əvvəlindən 1212 terrorçunu zərərsizləşdirib.
Trend-in məlumatına görə, bu barədə Türkiyə Müdafiə naziri Hulusi Akar bildirib.
Nazir qeyd edib ki, aprelin 23-dən ("Pençe-Şimşek" və "Pençe-Yıldırım" əməliyyatların başlama tarixi) bu günə qədər Suriyanın və İraqın şimalında 352 terrorçu zərərsizləşdirilib.
Ümumiyyətlə, Türkiyənin terrorizmlə mübarizədə yeni bir mərhələyə başladığı 24 iyul 2015-ci ildən bəri 18 140 terrorçu zərərsizləşdirilib.
