Bu gün Azərbaycan polislərinin peşə bayramıdır. 1992-ci ildən etibarən qeyd olunan gündə polislərimiz yenə də iş başındadırlar: Cinayətkarlığa qarşı mübarizə aparır, təhlükəsizliyimizi təmin edirlər. Onlar üçün nə istirahət var, nə də bayram. Çünki cəmiyyət hər an hərəkətdədir. Və hərəkət olan yerdə polisə ehtiyac danılmazdır.
![](https://sherg.az/uploads/editor/43a682519f733b3708609d8fb9acd49b.jpg)
Keçmiş polis rəisi Mahmud Hacıyev həmkarlarının cəmiyyət həyatındakı rolu barədə “Sherg.az”a danışdı:
“Polislər xidmət, istintaq və əməliyyat olmaqla üç sahədə fəaliyyət göstərirlər. Onlar ictimai asayişi təmin edirlər. Polislər olmasa, cinayətkarlıq halları artar. Odur ki, polislərimizi təbrik edir, onlara şərəfli peşələrində uğurlar arzulayıram”.