Bu gün Bakıda Türk Dövlətləri Təşkilatına (TDT) üzv və müşahidəçi ölkələri Audiovizual media üzrə tənzimləyici orqanlarının I toplantısı keçirilir.
“Report”un xəbərinə görə, toplantıda Medianın İnkişafı Agentliyinin İcraçı direktoru Əhməd İsmayılov, Audiovizual Şuranın sədri İsmət Səttarov, üzv və müşahidəçi ölkələri Audiovizual media üzrə tənzimləyici orqanlarının rəhbərləri iştirak edirlər.
Bildirilib ki, TDT üzv və müşahidəçi ölkələrin Audiovizual media üzrə tənzimləyici orqanları arasında Niyyət Bəyannaməsi imzalanacaq.
Sənədin imzalanma mərasimi sabah - oktyabrın 28-də Şuşa şəhərində baş tutacaq.
