
Analitik: Haniyənin öldürülməsi Bakının da maraqlarına ziddir
Analitik: Haniyənin öldürülməsi Bakının da maraqlarına ziddir
Yusif Nəzərli
13:23 04.08.2024
Siyasət
564
Terror çözüm yolu deyil və kimə qarşı törədilməsindən asılı olmayaraq istənilən terror cəhdi qəbuledilməzdir
İranın Prezidenti Məsud Pezeşkian HƏMAS lideri İsmayıl Haniyənin öldürülməsi ilə bağlı xəbərdarlıq edib. Bununla bağlı sosial mediada paylaşım edən İran prezidenti bildirib ki, Tehran terrorçu işğalçıları qorxaq əməllərinə görə peşman edəcək: "İran İslam Respublikası öz ərazi bütövlüyünü, şərəfini qoruyacaq və terrorçu işğalçıları qorxaq əməllərinə görə peşman edəcək".
Rusiya xarici işlər nazirinin müavini Mixail Boqdanov da Haniyənin ölümünün regionda gərginliyi artıracağını bildirib:
“Moskva HƏMAS-ın Siyasi Bürosunun rəhbəri İsmail Haniyənin öldürülməsini tamamilə qəbuledilməz siyasi qətl hesab edir. Bu, çox pisdir. Qəbuledilməzdir. Baş verənlər Dohada aparılan danışıqlara mənfi təsir göstərəcək”.
Qeyd edək ki, HƏMAS rəsmisi İ.Haniyə Tehranda qaldığı iqamətgaha edilən hava hücumu nəticəsində öldürülüb.
Azərbaycan Həmrəylik Komitəsinin sədri Əlisahib Hüseynov isə “Sherg.az”a açıqlamasında deyib ki, İsmayıl Haniyənin Tehranda öldürülməsi Yaxın Şərqi əhatə edən xaosun daha da dərinləşməsinə səbəb olacaq. Onun sözlərinə görə, bu cür kritik hadisələr bir çox hallarda hətta böyük müharibələrə də gətirib çıxarır:

“İsrailin və İranın rəhbər şəxslərinin aqressiv ritorikası da onu göstərir ki, bölgədə yeni eskalasiyanın baş verməsi istisna deyil. Nəzərə alsaq ki, belə bir müharibənin başlanmasında maraqlı olan kifayət qədər qüvvələr, aktorlar var, Haniyənin raket hücumu nəticəsində Tehranda qətlə yetirilməsi böyükmiqyaslı müharibənin başlanması üçün həqiqətən də qığılcım və ya bəhanə rolunu oynaya bilər. Bu baxımdan, Qəzzaya və Livana hücumlarla eyni vaxtda İsmayıl Haniyəyə qarşı sui-qəsdin həyata keçirilməsi heç də təsadüf yox, sinxron hadisələrdir. Bu hadisələr hamısı bir-birilə zəncirvari bağlıdır. İndi hibrid müharibə ilə açıq müharibənin elementləri bir-birinə qarışıb. Haniyənin qətli isə Yaxın Şərq böhranının həllinə yox, onun daha da şiddətləndirilməsinə hesablanıb. Ancaq İsrail də, İran da regionda qarşıdurmaların daha da şiddətlənməsinə rəvac verən qızışdırıcı addımlardan çəkinməlidir. HƏMAS liderinə sui-qəsd bölgəyə sülh gətirməyəcək. Terror çözüm yolu deyil və kimə qarşı törədilməsindən asılı olmayaraq istənilən terror cəhdi qəbuledilməzdir”.
Politoloqun fikrincə, HƏMAS-ın Siyasi Bürosunun rəhbəri İsmayıl Haniyənin Tehrandakı hücum nəticəsində öldürülməsi bölgədə sabitliyin hökm sürməsinə xüsusi önəm verən Azərbaycanın da maraqlarına ziddir:
“Rəsmi Bakı bizi əhatə edən ölkələrdə sabitliyin, təhlükəsizliyin və dinc inkişafın mövcudluğunda maraqlıdır. Lakin bir müddət öncə Rusiyada “Krokus Siti” ticarət mərkəzində qanlı terror aktının törədilməsi, bu gün isə cənub qonşumuzun paytaxtında HƏMAS liderinin qətlə yetirilməsi bölgəmizin dincliyini ciddi şəkildə təhdid edən hadisələr kimi nəzərdən keçirilməlidir”.
Oxşar xəbərlər
Xəbər lenti
Hamısına bax
“Turan Tovuz” azlıqda “Şamaxı”ya qalib gəldi
16:42 21.11.2026
Futbol
Küləkli hava şəraiti ilə bağlı SARI XƏBƏRDARLIQ verilib
16:28 21.11.2026
Ekologiya
Polşa NATO-nun 4-cü maddəsini işə salmağı nəzərdən keçirir
16:26 21.11.2026
Dünya
Avropa Jurnalistlər Federasiyası Paşinyanı sərt tənqid etdi
16:08 21.11.2026
Siyasət
Milli Parkın ərazisində qanunsuz ov edən şəxs saxlanılıb
15:44 21.11.2026
Ekologiya
Azərbaycan və Vyetnam prezidentlərinin Birgə Bəyanatı qəbul edilib
15:35 21.11.2026
Gündəm
Paşinyan: Sabah TRIPP layihəsinin başlanması rəsmən elan ediləcək
15:05 21.11.2026
Region
Şapka udan məşhur begemot Fiona öldü
14:57 21.11.2026
Hadisə
Krivoy-Roqa hava hücumu nəticəsində ölənlər və yaralananlar var
14:41 21.11.2026
Dünya
Şəkidə küçə iti 4 yaşlı qızı dişləyib
14:28 21.11.2026
Hadisə
Sensasion xəbər var, ABŞ prezidenti o olacaq - Tramp
14:19 21.11.2026
Dünya
Böyük Britaniyanın yenidən Aİ-yə qoşulması müzakirə oluna bilər
14:07 21.11.2026
Dünya
İtkin düşmüş kimi axtarışda olan 4 nəfər tapılıb
13:57 21.11.2026
Hadisə
Rusiya: Bir sutkada 464 Ukrayna PUA-sı vurulub
13:20 21.11.2026
Dünya