ABŞ Prezidenti Donald Tramp Vaşinqtonda Azərbaycan və Ermənistan liderləri ilə üçtərəfli görüşdə bildirib ki, Ermənistan “Tramp marşrutu” dəhlizinin inkişafı üçün ABŞ-la müstəsna əməkdaşlıq müqaviləsi imzalayıb.
APA-nın məlumatına görə, Tramp qeyd edib ki, Ermənistan bu dəhlizlə bağlı ABŞ-la əməkdaşlığı 99 il müddətinə razılaşıb və gələcəkdə bu müddət uzadılacaq. ABŞ şirkətləri həmin əraziyə gedərək orada infrastruktur layihələri həyata keçirməyi planlaşdırırlar. Tramp vurğulayıb ki, bu investisiyalar hər üç dövlət üçün böyük fayda gətirəcək və bu, son dərəcə önəmli bir xəbərdir.
