Türkiyənin Trabzon-Gümüşhanə sərhədində yerləşən, dəniz səviyyəsindən 1800 metr yüksəklikdə Kadırğa yaylasında üstü açıq, çevrəsi 1,5 metrlik daş divarla örtülmüş 557 illik cüt minarəli məsciddə yüz illərdir insanlar açıq havada ibadət edirlər. Yay mövsümünün gəlməsiylə Trabzon və Gümüşhanədən Kadırğa yaylasına köçən çoxlu insanlar bu məsciddə namaz qılır.
Sherg.az Türkiyə mətbuatına istinadən bildirir ki, bu il də Gümüşhanənin Özkürtün, Kürtün, Trabzonun isə Maçka, Şalbazarı, Tonya və Beşikdüzü qəsəbə bələdiyyələrinin təşkilatçılığı ilə keçirilən ənənəvi “Kadırğa Otçular Yayla Şənliyi”nə gələn ziyarətçilər, namazlarını üstü açıq məsciddə qılaraq yüz illik ənənəni davam etdiriblər.
Vətəndaşlardan Özkan Pekin, üstü açıq məsciddə ibadət ənənələrini yaşatmağa çalışdıqlarını bildirib: “Hər il buraya gəlirik. Burada namaz qılınarkən Allahın hikməti sayəsində yağış yağmır. Biz də bu ənənəni nəsildən nəsilə ötürmək üçün uşaqlarımızla buraya gəlib namaz qılırıq. Babalarımızın, atalarımızın tarixi mirasına sahib çıxmaq son dərəcə önəmlidir”.
Yaylağa üstü açıq məsciddə namaz qılmaq üçün gəldiyini deyən Ömər Dural da deyib ki, səhər saatlarında hava pisləşib: “Amma namaz vaxtı bizə təsiri olmadı, ibadətimizi etdik. Allah bütün islam aləminin birliyini, bərabərliyini daim etsin. Uşaqlığımda, 1970-ci illərdə də buraya belə çox adam gəlirdi. Biz də yenə gəldik və ənənəni davam etdirməyə çalışırıq. Buranın mənəvi həzzi başqadır”.
Kadırğa yaylağında baş tutan “Kadırğa Otçular Yayla Şənliyi” bu il də çoxlu insanın qatılması ilə gerçəkləşib. Nağara, zurna və kamança ilə keçirilən şənlikdə qadınların geyindiyi rəngarəng paltarlar maraq cəlb edib. Şənlikdə məhəllə sənətçiləri konsetr veriblər.
557 illik tarix: Burada namaz qılarkən yağış yağmır - FOTO
Ayyət Əhməd
12:42 21.07.2019
Gündəm
1053
Oxşar xəbərlər
Xəbər lenti
Hamısına bax
Ərdoğan Trampla bu tarixdə və bu şəhərdə görüşmək istəyir
22:27 27.05.2026
Dünya
Kişilərdə xərçəngdən ölüm halları artacaq - ARAŞDIRMA
21:31 27.05.2026
Sağlamlıq
Trampdan İrana sərt mesaj - Yeni zərbələr başlaya bilər
21:15 27.05.2026
Gündəm
Putin Qazaxıstanda - 16 mühüm sənəd imzalayacaq
20:44 27.05.2026
Dünya
Fransa XİN Kiyevə cavab zərbələrindən sonra Rusiya səfirini çağırdı
20:00 27.05.2026
Dünya
Putin Qazaxıstana səfər edib
18:50 27.05.2026
Dünya
Tehranın İmam Xomeyni hava limanında yanğın baş verib
18:38 27.05.2026
Relaks
Yollarda görünüş 1000 metrədək məhdudlaşacaq
18:10 27.05.2026
Cəmiyyət
İsrail sözçüsü Livan vətəndaşlarına müraciət etdi
17:42 27.05.2026
Dünya
Futbol əfsanəsi Modriçdən gözlənilməz qərar
17:32 27.05.2026
Futbol
“Neftçi” yeni mövsüm üçün ilk transferini rəsmiləşdirib
16:26 27.05.2026
Futbol