Avropa İttifaqı iyunun 15-də Rusiyaya qarşı yeni sanksiyalar paketi tətbiq etməyi planlaşdırır.
Sherg.az xəbər verir ki, bu barədə Aİ-nin xarici siyasət və təhlükəsizlik məsələləri üzrə ali nümayəndəsi Kaja Kallas sosial şəbəkədə paylaşım edib.
Kallasın sözlərinə görə, yeni məhdudiyyətlər Rusiyanın hərbi-sənaye kompleksi və “kölgə donanması” adlandırılan gəmilər şəbəkəsini hədəf alacaq. O bildirib ki, bu addımlar Moskvanın imkanlarını daha da məhdudlaşdırmağa yönəlib.
Bu arada, Avropanın bir sıra ölkələri Aİ diplomatik xidmətinin səlahiyyətlərinin məhdudlaşdırılması təşəbbüsü ilə çıxış ediblər. Məlumata görə, Almaniya və Fransa daxil olmaqla bəzi dövlətlər Kaja Kallasın sərt antirusiya ritorikasından narazıdırlar.
Eyni zamanda, Rusiyanın nəzarətində olan ərazilərin rəsmiləri Ukrayna Silahlı Qüvvələrinin hücumları nəticəsində mədəni irs obyektləri və infrastrukturun zərər gördüyünü bildiriblər. Rusiyayönlü mənbələrin məlumatına görə, Sevastopolda “1854–1855-ci illərdə Sevastopolun Müdafiəsi” panoram binasına zərbə endirilib, həmçinin Xerson vilayətində iki körpüyə ziyan dəyib.
