“Türkiyə güclü və təcrübəli ordusu, NATO daxilində effektiv mövqeyi, inkişaf edən müdafiə sənayesi və Avropa, Qara dəniz, Cənubi Qafqaz və Yaxın Şərq arasında kritik əhəmiyyətə malik geosiyasi yerləşməsi ilə regional təhlükəsizlik baxımından əvəzolunmaz müttəfiq mövqeyindədir”.
Teleqraf xəbər verir ki, bu barədə Türkiyə Müdafiə Nazirliyinin sözçüsü Zəki Aktürk bildirib.
“Bu çərçivədə Avropa ölkələrinin qitənin gələcək təhlükəsizlik arxitekturasında ölkəmizin strateji rolunu daha qətiyyətli şəkildə qiymətləndirdiyi, müdafiə, təhlükəsizlik və strateji əməkdaşlıq sahələrində əlaqələri dərinləşdirməyə önəm verdiyi müşahidə olunur”, - o qeyd edib.
