Onlayn qəzet

Digər kateqoriyalar

Küçə pişiklərindən ölümcül virus yayılır: İnfeksiyanın səbəbi...?

07:02 14.02.2024 Gündəm 556
  Küçə pişiklərindən insanlara yoluxan virus nəticəsində tarixdə ilk ölüm faktı qeydə alınıb. "Sherg.az" “Milliyet.com.tr”yə istinadən xəbər verir ki, alimlər virusun infeksiya mənbəyi kimi indiyədək heç bir yerdə qeydə alınmadığını bildiriblər. ABŞ-nin Oregon əyalətinin Desçutes Əyalət Səhiyyə Qurumu yaydığı açıqlamada bir nəfərdə “xiyarcıqlı veba” virusunun müəyyən edildiyini bildirib. Bu adamın yaxın ünsiyyətdə olduğu insanlar, həmçinin o adamın bəslədiyi pişik də müayinə edilib. Vətəndaşlara vəba əleyhinə lazımi dərman preparatları paylanıb. Açıqlamada “vəbanın əlamətləri yoluxmuş heyvanla təmas baş verdikdən 2-8 gün sonra özünü göstərir. Qızdırma, ürək bulanması, halsızlıq, üşütmə, əzələ ağrıları və ya limfa düyünlərinin aşkar şişməsi – buna “xiyarcıq” da deyilir, əlamətləri ola bilər. Erkən müayinə edilməyib müalicə olunmadıqda septisemik vəbaya – qan dövranı infeksiyasına və ya sətəlcəmə çevrilir. Vəbanın bu növləri daha ağırdır və müalicəsi də çətindir. Səhiyyə Qurumu bildirib ki, xoşbəxtlikdən virus infeksiyasının qarşısı tez alınıb və toplum bu təhlükədən xilas edilib. Ümumiyyətlə isə Oregonda vəba xəstəliyinə nadir rast gəlinir, sonuncu dəfə xəstəliyə yoluxma halı 2015-ci ildə qeydə alınıb. Bu virus insanlara xəstə heyvanlarla təmas zamanı, heyvanın cırmaqlaması, dişləməsi zamanı keçir. Orta Oregonda ən çox sincablar vəba daşıyıcısı hesab edilir. Lakin siçovullar və gəmiricilərin digər növləri də virus daşıyıcısıdırlar. ABŞ-nin Alyaska ştatında isə yaşlı bir adam “Alyaskapox” isimli bir xəstəliyə yaxalanıb. Müalicə edilsə də, xeyri olmayıb və adam vəfat edib. O, bu xəstəlikdən ölən ilk şəxs kimi qeydə alınıb. Rəsmi dairələr bu adamın xərçəng xəstəliyindən əziyyət çəkdiyini və immunitetinin çox zəif olduğunu bildiriblər. Alyaskanın Kenai yarımadasının kənar bir hissəsində yalnız yaşayan adama bu virusun necə bulaşdığını araşdıran heyət isə xəstəliyin sahibsiz küçə pişiyindən keçdiyini iddia edir. Alimlər sahibsiz pişiklər və itlərin virusun insanlara yoluxmasına səbəb ola biləcəyini qeyd edir. “Imperial College London” Yoluxucu Xəstəliklər bölümündə araşdırmalara məsul və Essex Universiteti Molekulyar Viroloji üzrə müəllim doktor Stathis Giotis isə virusun mənbəyinin alimlər tərəfindən hələ tapılmadığını bildirib. Bununla belə doktor “panikaya düşməyə dəyməz. Əllərimizi sabun və spirtlə təmizləmək bizi qoruyacaq, təhlükəsizliyimizi artıracaq”.

Oxşar xəbərlər

Tramp: İranın nüvə silahı olsaydı, onlara "cənab"la müraciət edərdim
Tramp: İranın nüvə silahı olsaydı, onlara "cənab"la müraciət edərdim
22:08 30.10.2026
Prezident İlham Əliyev “FIFA U-15 World Cup and Festival”ın final matçını izləyib
Prezident İlham Əliyev “FIFA U-15 World Cup and Festival”ın final matçını izləyib
20:12 30.10.2026
Rusiya öz təbii sərvətlərini Azərbaycan üzərindən dünya bazarına çıxarır - Fuad Abbasov
Rusiya öz təbii sərvətlərini Azərbaycan üzərindən dünya bazarına çıxarır - Fuad Abbasov
19:43 30.10.2026
Paşinyanı devirmək, müharibəni alovlandırmaq istəyirlər - ŞƏRH
Paşinyanı devirmək, müharibəni alovlandırmaq istəyirlər - ŞƏRH
19:13 30.10.2026
Zaxarova Obamanın sözlərini təhrif etdi: Trampın Ukrayna siyasəti Moskvaya sərf edir
Zaxarova Obamanın sözlərini təhrif etdi: Trampın Ukrayna siyasəti Moskvaya sərf edir
18:23 30.10.2026
Milli Məclis Zəfər Günü ilə əlaqədar bəyanat qəbul edəcək
Milli Məclis Zəfər Günü ilə əlaqədar bəyanat qəbul edəcək
17:41 30.10.2026

Xəbər lenti

Hamısına bax