Türkiyənin ana müxalifət partiyası CHP daxilində yaşanan məhkəmə qərarlarından sonra gərginlik davam edir.
Sherg.az xəbər verir ki, partiya sədri Özgür Özəl çıxışında keçmiş sədr Kamal Kılıçdaroğluna müraciət edərək partiyada yenidən seçki keçirilməsi təklifini irəli sürüb. O bildirib ki, 2 milyon üzvün iştirakı ilə keçiriləcək seçkidə hər kəs namizəd ola bilər və nəticəyə hörmət ediləcək.
Özəl çıxışında “Əgər məndən başqa biri qalib gəlsə, onun əlini öpməyə hazıram” sözləri ilə diqqət çəkib.
Digər tərəfdən, məhkəmə qərarları və partiyanın struktur dəyişiklikləri fonunda CHP-də rəhbərliklə bağlı yeni proseslərin başladığı, Partiya Məclisi və intizam orqanlarının yenidən formalaşdırıldığı bildirilir.
Partiya daxilində həmçinin maaş ödənişləri və idarəetmə məsələləri ilə bağlı iddiaların gündəmdə olduğu, lakin rəhbərlik tərəfindən bu iddiaların təkzib edildiyi qeyd olunur.
