ABŞ Prezidenti Donald Tramp hesab edir ki, İranla atəşkəsin müddətini uzatmağa ehtiyac yoxdur.
Sherg.az xəbər verir ki, bu barədə ABC News telekanalının jurnalisti Jonathan Karl sosial şəbəkə X-də məlumat verib.
Jurnalistin sözlərinə görə, Tramp düşünür ki, atəşkəs rejiminin uzadılmasına zərurət olmayacaq.
“Düşünürəm ki, sizi heyrətamiz iki gün gözləyir”, -deyə Karl Trampdan sitat gətirib.
Münaqişənin razılaşma ilə başa çatıb-çatmayacağı ilə bağlı suala ABŞ prezidenti belə cavab verib: “Bu və ya digər şəkildə sona çatacaq”.
Bundan əvvəl Tramp bəyan edib ki, əgər Tehran nüvə ambisiyalarından imtina etməzsə, İranla razılaşma mümkün deyil.
