ABŞ-nin yeni prezidenti Donald Tramp Ukrayna üzrə xüsusi nümayəndəsi Keyt Kelloqa Ukrayna münaqişəsini 100 gün ərzində həll etməyi tapşırıb.
Sherg.az xəbər verir ki, bu barədə "Vall Street Journal" (WSJ) öz mənbələrinə istinadən yazır.
“Tramp Kelloqa Ukraynadakı münaqişəni 100 gün ərzində həll etməyi tapşırıb. Demək olar ki, heç kim bunu edə biləcəyini düşünmür (...). Daha doğrusu, onun xüsusi nümayəndə kimi təyin olunmasının Trampın şəxsən nəzarət etmək niyyətində olduğu sülh danışıqlarının başlanması istiqamətində ilk addım olduğunu deyirlər”, - nəşr yazır.
Məqalə müəlliflərinin qeyd etdiyi kimi, Kelloq Trampa Ukrayna böhranının həlli üçün mümkün danışıqlar barədə məsləhət verəcək, lakin “Amerika liderinin məsləhətə ehtiyacı olub-olmadığı hələ aydın deyil”.
Qeyd edək ki, daha əvvəl Tramp bildirib ki, Rusiya Ukraynadakı münaqişənin həlli ilə bağlı sazişi qəbul etməkdən imtina edərsə, böyük problemlərlə üzləşəcək. Eyni zamanda Tramp vurğulayıb ki, o, Rusiya lideri Putinlə Ukrayna münaqişəsinin tezliklə həlli ilə bağlı “danışıqları təşkil etdikdən sonra” görüşməyi planlaşdırır.
