Ermənistan ərazisində yerləşən Azərbaycanın islam tarixi-mədəni irsinin məhv edilməsi böyük məyusluq doğurur.
Axar.az xəbər verir ki, bu barədə Azərbaycan Respublikasının Prezidenti İlham Əliyevin Bakıda keçirilən “Müxtəlifliyin qorunması: 2024-cü ildə İslamofobiya ilə mübarizə” mövzusunda beynəlxalq konfransın iştirakçılarına məktubunda bildirilib.
Dövlətimizin başçısı məktubunda diqqətə çatdırıb ki, Azərbaycan UNESKO-ya müraciət edərək Ermənistanda illər ərzində dağıdılmış mədəni və dini abidələrimizin vəziyyətinin qiymətləndirilməsinin aparılması məqsədilə bu ölkəyə texniki missiyanın göndərilməsinə çağırış edib. Əfsuslar olsun ki, UNESKO indiyə kimi bu çağırışa cavab verməyib.
