Liderlərin siyasi iradəsi və qardaşlıq münasibətləri nəticəsində 2021-ci ildə imzalanmış Şuşa Bəyannaməsi ilə Azərbaycan-Türkiyə arasında dünya çapında analoqu olmayan birlik nümayiş etdirilir.
Bunu Azərbaycan xarici işlər naziri Ceyhun Bayramov türkiyəli həmkarı Hakan Fidanla mətbuat konfransında deyib.
“Liderlərimizin siyasi iradəsi və qardaşlıq münasibətləri nəticəsində 2021-ci ildə ölkələrimiz arasında imzalanmış Şuşa Bəyannaməsi ilə artıq strateji müttəfiqlik səviyyəsinə ucalmış Azərbaycan-Türkiyə münasibətlərində sözün əsl mənasında dünya çapında analoqu olmayan, bənzərsiz bir birlik nümayiş etdirilir. Bu gün biz bütün sahələrdə - siyasi, iqtisadi, ticarət, hərbi, müdafiə sənayesi, enerji təhlükəsizliyi, investisiyalar, humanitar sahənin digər istiqamətləri barədə danışarkən Azərbaycan Türkiyə münasibətlərinin tarixi zirvədə olduğunu qeyd etsək, yanılmarıq”, - nazir qeyd edib.
