Zəlimxan Məmmədlinin Borçallya yolu açıldı " Haqq və Ədalət Partiyasının sabiq Ali Məclis sədri , Milli Azadlıq hərəkatının tanınmış ismlərindən olan Zəlimxan Məmmədlinin Gürcüstana , doğulduğu torpaqlara girişinə qoyulan qadağa götürülüb.
"Sherg.az"ın verdiyi məlumata görə , bu barədə Z.Məmmədli öz feysbuk səhifəsində məlumat verib, Prezident İlham Əliyevə minnətdarlığlnı bildirib.
Z.Məmmədli bildirib ki , 2014-cü ildən mütəmadi olaraq həm Azərbaycanın, həm də Gürcüstanın rəsmi qurumlarına bu ədalətsizliyin aradan qaldırılması xahişi ilə müraciətlər edib , amma nəticə olmayıb:
" Sonuncu müraciətim bu ilin fevral ayının 24-də Azərbaycan Respublikasının Prezidenti hörmətli İlham Əliyevə oldu. Prezidentin göstərişi ilə əlaqədar qurumlar bu problemin həlli ilə bağlı Gürcüstanın müvafiq qurumları ilə intensiv iş apardılar və mənim Gürcüstan giriş yasağım aradan qalxdı.
Bu işdə Azərbaycan Prezidentinin Administrasiyasının Siyasi partiyalar və qanunvericilik hakimiyyəti ilə əlaqələr şöbəsinin müdiri Ədalət Vəliyevin, Gürcüstanda Azərbaycan Respublikasının fövqəladə və səlahiyyətli səfiri Faiq Quliyevin, DTX sədri Əli Nağıyevin əməyini xüsusi qeyd etmək istəyirəm.
Təbii ki, ilk öncə Azərbaycan Prezidenti cənab İlham Əliyevə 10 illik yurd həsrətimə son qoyduğu üçün xüsusi təşəkkürümü bildirirəm. Eyni zamanda Gürcüstanın müvafiq qurumlarına Azərbaycan tərəfinin təklifinə qarşılıq verdiklərini də qeyd etməyi vacib hesab edir və qiymətləndirirəm".
Z.Məmmədli qeyd edib ki , Gürcüstan mənim üçün çox doğmadır. Əsil-nəslimin, yüz minlərlə soydaşımın məskunlaşdığı vətəndir: " Gürcüstanın unitarlığı, güclənməsi, ərazi bütövlüyünün təmini, separatçılardan təmizlənməsi, Azərbaycanla strateji tərəfdaşlığının möhkəmlənməsi ideallarım sırasındadır. Yaşasın Azərbaycan-Gürcüstan dostluğu, strateji tərəfdaşlığı!".
Aydın Baxış
