“Qarşıdan gələn iki nəfər bizə yaxınlaşdıqda körpəyə baxıb “aa, başı necə də qəribədir. Dar, uzun və incə... Eynən atasına oxşayır” dedilər”
Türkiyəli məşhur sənətçilər - Bərgüzar Korel və Halit Ergenc cütlüyü hazırda Londonda yaşayır. Bununla belə müəyyən işləri üçün zaman-zaman İstanbula gəlirlər. Bərgüzar Korel ilk övladı Əlini 2010-cu ildə dünyaya gətirib. 10 il sonra ikinci övladları Han, 1 il sonra isə qızları Leyla dünyaya gəldi. Bu günlərdə B.Korel 5 aylıq Leyla ilə dialoqunu sosial mediada paylaşıb.
“Keçəl qızımla dəliliklər” adını verdiyi söhbət minlərlə bəyənmə toplayıb. Bunun üzərinə aktrisa İstanbulda qarşılaşdığı xoşagəlməz olaydan söz açıb. “Qızımla küçədə dolaşırdıq. Qarşıdan gələn iki nəfər bizə yaxınlaşdıqda körpəyə baxıb “aa, başı necə də qəribədir. Dar, uzun və incə... Eynən atasına oxşayır” dedilər. Mən çaşıb qaldım. Necə yəni” deyə soruşdum. Onlar da “eynən atasına oxşayır, başı dar, uzunsovdur. Doğumda vakuumdan istifadə edilib, yəqin”, dedilər. Bu nəzakətsizliyin əvəzini verə bilmədim. Bir körpəyə bu sözləri demək üçün nə qədər nəzakətsiz, qaba bir insan olmalısan. Körpəyə söz atmaq kimsənin haqqı deyil. Qızımın doğumu çətin oldu. Amma vakuumdan istifadə edilmədi. Həkimim sağ olsun, körpənin də, mənim də sağlıqlı olmamı təmin etdi” deyən B.Korel daha sonra “qızım eynilə özümə oxşayır. Mənim miniatür modelimdir. Heç bir körpə haqqında söz söyləmək haqqı kimsəyə verilməyib. Görünür, bəzi insanlar səmimiyyəti düzgün anlamır, bundan öz çirkin niyyətləri üçün istifadə etməyə çalışırlar”, sözlərini də yazıb.
