Türkiyənin Samsun şəhərinin Ayvacık rayonunda 2 gün əvvəl anası Melek Baştürkü güllələyərək öldürən V.S.K. həbs edilib, atası K.K isə məhkəmə nəzarəti ilə sərbəst buraxılıb.
Sherg.az türk mediasına istinadən xəbər verir ki, həyat yoldaşından boşanan Melek Baştürklə birlikdə yaşadığı oğlu V.S.K. arasında mübahisə düşüb. Bu zaman V.S.K tapança ilə anasına atəş açıb. Mələk Baştürk hadisə yerində dünyasını dəyişib.
Hadisədən sonra qaçan V.S.K. həmin gün axşam saatlarında atası ilə jandarmaya təslim olub. Atası ilə birlikdə nəzarətə alınan V.S.K. dünən əməliyyatlardan sonra Çarşamba Ədliyyəsinə aparılıb. V.S.K. məhkəmənin hökmü ilə həbs olunub, atası K.K. isə məhkəmə nəzarəti şərti ilə sərbəst buraxılıb.
V.S.K. ifadəsində bildirib ki, avtomobilin açarını vermədiyi üçün mübahisə zamanı anasını öldürüb.
Melek Baştürk yarılma əməliyyatlarından sonra yaxınları tərəfindən qəbul edilərək ailə qəbiristanlığında dəfn edilib.
Turan