İstanbulun Şişli rayonunda tək yaşayan Prof. Dr. Tahirə Başerer evində ölü tapılıb.
Sherg.az xəbər verir ki, Hadisə, Nişantaşı Vali Konağı küçəsindəki mənzilində baş verib. Başererə çata bilməyən vəkili onun evinə gedib. Qapı açılmadıqda isə polis, təcili yardım və yanğınsöndürənlərə xəbər verib.
Qapı açıldıqdan sonra Başererin hərəkətsiz halda olduğu aşkarlanıb. Təcili yardım onun həyatını itirdiyini təsdiqləyib.
Tahirə Başerer kimdir?
1945-ci ildə Ordu vilayətinin Fatsa rayonunda anadan olub. Orta təhsilini Fatsada, liseyi İstanbul Qız Liseyində tamamlayıb. Daha sonra İstanbul Tibb Fakültəsinə daxil olub və 1969-cu ildə məzun olub.
İstanbul Universiteti Cərrahpaşa Tibb Fakültəsində 1974-cü ildə uzman, 1980-ci ildə dosent, 1988-ci ildə isə professor elmi dərəcəsi alıb.
