ABŞ-nin müdafiə naziri Pit Heqseti daşıyan “Boeing C-32” texniki nasazlıq səbəbindən Böyük Britaniyada məcburi eniş edib.
Publika.az xəbər verir ki, bu barədə “Daily Mail” Pentaqonun mətbuat katibi Şon Parnellə istinadən məlumat yayıb.
"Təyyarə standart prosedurlara uyğun olaraq eniş edib və Heqset də daxil olmaqla, göyərtəsində olanların hamısı təhlükəsiz yerdədir", - Parnell bildirib.
Hadisəyə səbəb təyyarənin ön şüşəsindəki çat olub.
"Flightradar"ın məlumatına görə, Heqsetin təyyarəsi NATO-nun müdafiə nazirlərinin sammitinin keçirildiyi Belçikadan yola düşüb, lakin geri dönərək Atlantik üzərindən Böyük Britaniyaya enməyə məcbur olub. Təyyarə havada olarkən qəza siqnalı göndərilib.
