Cəlilabadda ağır yol-nəqliyyat qəzası zamanı ölən və yaralananların şəxsiyyəti məlum olub.
APA-nın cənub bürosunun verdiyi məlumata görə, rayonun Dələli kəndi ərazisində "Mercedes" markalı minik avtomobili aşıb.
Nəticədə Masallı rayon sakinləri, sürücü 1955-ci il təvəllüdlü Şikar Əli oğlu Dadaşov və sərnişinlər - 1961-ci il təvəllüdlü Xatirə Əyyub qızı Dadaşova, 1984-cü il təvəllüdlü Xəyalə Şikar qızı Dadaşova və 2006-ci il təvəllüdlü Elmin Emin oğlu Əlibəyli müxtəlif dərəcəli bədən xəsarətləri alıb.
Avtomobildəki sərnişinlərdən 1980-ci il təvəllüdlü Emin İntiqam oğlu Əlibəyli isə dünyasını dəyişib.
Faktla bağlı araşdırma aparılır.
***
saat 10.50
Cəlilabadda ağır yol-nəqliyyat hadisəsi baş verib.
APA-nın cənub bürosunun verdiyi məlumata görə, hadisə rayonun Dələli kəndində qeydə alınıb.
Minik avtomobilinin aşması nəticəsində 1 nəfər dünyasını dəyişib, 4 nəfər yaralanıb.
Hazırda ölən şəxsin və yaralananların kimliyi dəqiqləşdirilir.
Faktla bağlı araşdırma aparılır.
