Fransa prezidenti Emmanuel Makron ilk dəfə ölkənin cənub Preney bölgəsində yerləşən Lourdesdəki məbədi ziyarət edib.
“Sherg.az” “Sabah.com”a istinadən bildirir ki, fransız vətəndaşlarından biri Makrona təzyiq göstərmək istəyib.
Məlumata görə, həmin şəxs Makrona “Özündən utanmalısan. Bu bir skandaldır, sən ateistsən. Burada olmaq haqqın yoxdur” sözlərini deyib. Bu ifadələrdən sonra o şəxsi Makronun mühafizəçiləri tutub.
Qeyd edək ki, Makron iyunun 8-də Drom rayonuna səfəri zamanı meydanda onu gözləyən insanlara yaxınlaşıb və onlarla salamlaşmağa başlayıb. Bu zaman bir kişi onun üzünə sillə vurub.
