“Air India”da ikinci faciə təşvişi yaşanıb
Hindistanda 241 nəfərin həyatını itirdiyi qəzadan sonra başqa bir “Air India” təyyarəsi də faciənin bir addımlığından dönüb.
Sherg.az xəbər verir ki, Hindistanda “Air India” aviaşirkətinə məxsus bir təyyarənin quyruq hissəsində, enişdən qısa müddət sonra yanğın baş verib.
Xatırladaq ki, keçən ay başqa bir “Air India” təyyarəsi havaya qalxdıqdan az sonra Meghani Nagar yaşayış məntəqəsinə düşərək 241 nəfərin ölümünə səbəb olmuşdu.
Aviaşirkətin sosial media platforması X-dəki rəsmi hesabında yayımlanan açıqlamada bildirilir ki, Honq Konqdan Yeni Dehliyə uçan “Airbus A321” tipli təyyarənin quyruq hissəsində yerləşən köməkçi enerji qurğusunda enişdən sonra yanğın baş verib.
Yanğının sərnişinlərin təyyarədən endiyi vaxt meydana gəldiyi qeyd olunan açıqlamada, güc sistemi yanğın səbəbilə avtomatik şəkildə sönüb.
Hadisə nəticəsində xəsarət alan olmasa da, təyyarənin zədələndiyi bildirilib.
