21 yaşadək futbolçulardan ibarət Azərbaycan millisinin Avropa çempionatının seçmə mərhələsində Estoniyaya qarşı keçirəcəyi matçın baxşlama vaxtı bəlli olub.
"Report" AFFA-nın rəsmi saytına istinadən xəbər verir ki, martın 25-də Sumqayıtdakı “Kapital Bank Arena”da oynanılacaq qarşılaşma saat 19:00-da start götürəcək.
Qeyd edək ki, Azərbaycan yığması A qrupunda 6 oyundan sonra 1 xalla 5-ci pillədə qərarlaşıb. 7 oyundan sonra xalı olmayan Estoniya seçməsi sonuncu - 6-cı sırada yer alıb.
