Uçuş təlimi üzrə amerikalı ekspert məşhur basketbolçu Kobe Brayantın təyyarəsini idarə edən erməni pilot Ara Zobayanın səhvləri barədə danışıb. Bu barədə “Daily Mail” xəbər yayıb.
Rendi Uoldman radar izləmə məlumatlarına əsaslanaraq, Zobayanın özünü itirmiş ola biləcəyini deyib. Onun sözlərinə görə, helikopterin qeydə alınmış sürəti onda idarəetmənin tamam itirildiyini göstərir.
“Orientasiyanı itirəndə hiss orqanları tamamilə “çökür”. Siz haranın yuxarı, haranın isə aşağı olduğunu anlamırsınız”, - deyə Uoldman vurğulayıb.
O, əlavə edib ki, pilot əlverişli görünüşü olan təhlükəsiz yerə qayıda bilərdi.
Xatırladaq ki, Kobe Brayant yanvarın 26-da aviaqəzada həlak olub. Göyərtədə idmançının 13 yaşlı qızı Cianna və daha səkkiz nəfər olub.
