2022 Çempionlar Liqasının finalı Rusiyada keçirilməyəcək.
“Sherg.az” xarici mediaya istinadən xəbər verir ki, Avropanın ən nüfuzlu klub yarışının finalı mayın 28-də Sankt-Peterburqda keçirilməli idi. Bu gün baş tutan iclasdan sonra UEFA matçın "Gazprom Arena"da keçirilməyəcəyini təsdiqləyib. Əvəzində matçın Parisdəki “Stade de Frans” stadionunda keçirilməsinə qərar verilib.
UEFA Fransa prezidenti Emmanuel Makrona "şəxsi dəstəyə və Avropa klub futbolunun ən prestijli oyununu unikal böhran dövründə Fransaya gətirmək əzminə" görə təşəkkür və minnətdarlığını bildirib:
"Fransa hökuməti ilə birlikdə UEFA Ukraynada dəhşətli insan iztirabları, dağıntılar və köçkünlərlə üzləşən futbolçulara və onların ailələrinə yardım göstərmək üçün çoxtərəfli səyləri tam dəstəkləyəcək".
Çimnaz ŞAHLAR
