Keçmiş ikiqat UFC çempionu, ağır və yarıağır çəki dərəcəsində döyüşçü Con Cons İngiltərəli Tom Aspinall ilə 30 milyon dollarlıq qarşılaşmadan imtina edib.
Publika.az xəbər verir ki, bu barədə insayder Ariyel Helvani məlumat yayıb.
“Mənə elə gəlir ki, Cons Tomla döyüşmək istəmirdi. Onu qaçırdı mı? Bu ifadəni istifadə etmək istəmirəm, çünki mənə hörmətsizlik kimi görünür, amma düşünürəm ki, o, sadəcə onunla döyüşmək istəmirdi və bu, onun düşünülmüş qərarı idi.
Con rəhbərliyə Aspinalla döyüş üçün hazır olduğu məbləği dedi. Düşünürəm ki, bu təxminən 30 milyon dollar idi və mənim fikrimcə, Cons bunu haqq edir. Ona elə gəlirdi ki, UFC belə məbləği elan etməyəcək, amma elan etdilər.
Düşünürəm ki, Səudiyyə Ərəbistanı məsələyə cəlb olunmuşdu, böyük oyunçular işin içində idi və Cons razılaşdı. Amma iki-üç gün sonra dedi ki, ‘Yox, mən çıxıram’. Con düşünürdü ki, rəhbərlik bu məbləği verə bilməyəcək, və o zaman deyə bilərdi: “Ey, uşaqlar, mən cəhd etdim”, – deyə Helvani bildirib.
