Türkiyənin “Fənərbağça” klubu Joze Mourinyonu göndərdikdən sonra komandanın baş məşqçi postuna Almaniya təmsilçisi "Ştutqart"ın baş məşqçisi Sebastyan Henessi gətirmək istəyir.
Teleqraf xəbər verir ki, bu barədə tanınmış insayder Serkan Hamzaoğlu məlumat yayıb.
Türkiyə klubunun rəhbərliyi 43 yaşlı almaniyalı mütəxəssisi yaxından izləyir. Siyahıda digər namizəd isə “"sarı-lacivərdlilər”in sabiq baş məşqçisi İsmayıl Kartaldır. Hazırda klub rəhbərliyi hansı mütəxəssislə əməkdaşlıq edəcəkləri barədə yekun qərara gəlməyib.
Qeyd edək ki, Joze Mourinyo avqustun 29-da "Fənərbağça" UEFA Çempionlar Liqasının qrup mərhələsinə vəsiqə qazana bilmədiyi üçün istefaya göndərilib. Portuqaliyalı mütəxəssis 2024-cü ildə bu posta gətirilmişdi.
