"Milan"ın hücumçusu Zlatan İbrahimoviç sosial şəbəkədə azarkeşlərinin suallarını cavablandırıb.
APA xəbər verir ki, abunəçilərdən biri futbolçudan peşəkar karyerasını nə vaxt bitirəcəyini soruşub.
“Heç vaxt. Mənsiz futbol öləcək”, - deyə İbrahimoviç cavab verib.
İsveçli hücumçu 2020-ci ildə “Milan”a qayıdıb. O, daha əvvəl 2010-2012-ci illərdə Milan komandasında çıxış edib.
İbrahimoviç “Milan”da İtaliya çempionu adını da qazanıb.
O, “Yuventus” (iki dəfə) və “İnter” (üç dəfə) ilə də eyni nailiyyət əldə edib.
