İngiltərənin “Çelsi” futbol klubunun hücumçusu Olivye Jiru İtaliyanın “Milan” komandasına keçib.
Championat.com bu barədə İtaliya klubunun mətbuat ofisinə istinadən xəbər yayıb.
Futbolçunun “Milan”la müqaviləsinin müddəti açıqlanmayıb. O, İtaliya komandasında 9 nömrəli forma geyinəcək.
Xatırladaq ki, Jiru 2018-ci ilin qışında “Arsenal”dan 17 milyon avroya “Çelsi”yə keçib. O, “aristokratlar”ın heyətində 39 qolla və 14 məhsuldar ötürmə ilə 119 görüş keçirib.
2011-ci ildən Jiru Fransa milli komandasına çağırılır. Hücumçu 2018-ci ildə milli komandanın tərkibində dünya çempionu olub.
“Milan” 38 matçda 79 xal toplayıb və 2020/2021 mövsümü üçün İtaliya çempionatı sıralamasında ikinci olub. Milanın “İnter” komandası 91 xalla ölkə çempionluğunu qazanıb.
