"Beşiktaş"ın baş məşqçisi Sergen Yalçın, komandanın liqadakı taleyini müəyyən edəcək “Qalatasaray” derbisi öncəsi komandaya yeni qoşulan legionerlərlə xüsusi görüş keçirib.
Sherg.az xəbər verir ki, S. Yalçın son iki matçda qazanılan qələbələrin əhəmiyyətini vurğulayıb və derbidə daha çox güc sərf etməli olduqlarını bildirib:
“Türkiyədə əzəli rəqiblər arasında oynanan oyunlar bir vitrin kimidir. Heç kim uduzmaq istəmir.”
S. Yalçın qeyd edib ki, əgər çempionluq mübarizəsinin içində olmaq istəyirlərsə, bu oyundan qələbə ilə ayrılmalıdırlar:
“Xüsusilə sizlərin üzərinə böyük məsuliyyət düşür. Bu oyunun təkrarı yoxdur. Ya "davam" deyəcəyik, ya da "tamam". Zirvə mübarizəsinin içində qalmaq istəyirsinizsə, hər şeyinizi ortaya qoyun. Mən sizin nələr edə biləcəyinizi çox yaxşı bilirəm. Bunu "Beşiktaş" camiəsinə və azarkeşlərə də göstərin. Keyfiyyətinizi meydana qoyun.”
