İspaniya millî komandasının ulduz futbolçusu Lamine Yamal, Türkiyə ilə oyundan sonra maraqlı bir hadisə yaşayıb.
Sherg.az xəbər verir ki, Türkiyə millisi 2026 Dünya Çempionatının seçmə mərhələsi çərçivəsində E qrupunun ikinci oyununda İspaniyanı qəbul edib. Konyada keçirilən qarşılaşmada meydanı 6:0 hesabı ilə İspaniya tərkibində sevinc yaşanıb.
Qonaq komandanın qollarını 6-cı və 62-ci dəqiqələrdə Pedri, 53-cü dəqiqədə Ferran Torres, 22-ci, 45+1-ci və 57-ci dəqiqələrdə isə Merino vurub.
Konyada ağır məğlubiyyət alan millilər 3 xalla qrupda 3-cü pillədə qərarlaşıb. İki oyunda 9 qol vurub 6 xal toplayan İspaniya isə liderlik kürsüsünə yüksəlib.
Türkiyə növbəti matçını 11 oktyabr şənbə günü səfərdə Bolqarıstana qarşı keçirəcək. İspaniya isə həmin tarixdə Gürcüstanı qəbul edəcək.
Matçdan sonra baş verən maraqlı hadisə isə sosial şəbəkələrdə gündəm olub.
İspaniya Millî Komandasının dünya şöhrətli gənc ulduzu Lamine Yamal oyundan sonra pasportunu itirib.
“Beyaz Futbol”un yaydığı xəbərə görə, gənc futbolçu soyunma otağına geri dönərək uzun müddət pasportunu axtarıb.
Bununla belə, Yamal pasportunu tapa bilmədən stadionu tərk edib.
