“Manatın məzənnəsi inzibatı qaydada tənzimlənir. Ona görə dəyişilmə də inzibati qaydada olacaq. Bunun bazar iqtisadiyyatının tələbləri ilə əlaqəsi yoxdur”.
Bu sözləri manatın məzənnəsinin gələcək taleyi barədə“Sherg.az”a danışan iqtisadçı-ekspert, ReAL partiyasının sədr müavini Natiq Cəfərli dedi.
Onun sözlərinə görə, yaxın gələcək üçün hansısa dəyişiklik gözlənilmir:
“Neft qiymətlərinin 70 dollardan yuxarı olduğu bir vaxtda məzənnə siyasətinə ciddi təzyiq yoxdur. Və məzənnənin yaxın həftələrdə dəyişiləcəyi gözlənilmir. Lakin uzun illər stabil qala bilməz. Xatırlayırsınızsa, 2005-2015- ci illərdə məzənnə stabil qalsa da, sonradan üç dəfə devalvasiya oldu. Deməli, uzaq gələcəkdə olsa da, gec-tez nə vaxtsa məzənnə dəyişiləcək”.
